UEFA U-17 Avropa çempionatı Azərbaycan-2016-nın yarımfinal və final oyunlarının məkanı dəyişdirilib.
Qaynarinfo.az xəbər verir ki, UEFA-nın tövsiyəsinə əsasən yarımfinal oyunları “Dalğa Arena”da, final qarşılaşması isə “Bakcell Arena”da keçiriləcək.
Qeyd edək ki, mayın 18-dəki yarımfinal oyunları və 21-dəki final matçının əvvəlcədən Bakı Olimpiya Stadionunda baş tutacağı deyilirdi.
AFFA bu qərarın nəyə əsasən verildiyini izah etməyib. Ancaq 2 variant var. Ya UEFA 65 minlik stadionun final və yarımfinal matçlarında boş qalacağından qorxub, ya da mayın 6-də bu stadiona gələn azarkeş - Orxan Şirinovun bədbəxt hadisə nəticəsində ölümü bu qərarın verilməsinə səbəb olub.
Qaynarinfo.az
