Azərbaycanın FİFA referisi Orxan Məmmədov UEFA-dan yeni təyinat alıb.
Qaynar.info Qol.Az-a istinadən xəbər verir ki, referimiz 17 yaşadək futbolçulardan ibarət yığmalar arasında keçiriləcək Avropa çempionatının elit-raund mərhələsinin oyunlarını idarə edəcək.
O.Məmmədov 4-cü qrupda keçiriləcək İrlandiya - Yunanıstan və İrlandiya - Polşa görüşlərinin baş hakimi olacaq. Ona hər iki oyunda həmyerlimiz Mübariz Həşimov köməklik edəcək.
Qeyd edək ki, İrlandiya - Yunanıstan oyunu martın 21-də, İrlandiya - Polşa oyunu isə martın 26-da keçiriləcək.
Qaynar.info
