Yığmamızın
sabiq futbolçusu Vaqif Cavadov Millətlər Liqasında millimizin yer aldığı qrupla
bağlı düşüncələrini bölüşüb.
Veteran
futbolçu Qaynarinfo-ya açıqlamasında Belarus, Slovakiya və Qazaxıstan-Moldova
cütünün qalibi ilə yarışacaq Canni De Byazinin rəhbərlik etdiyi komandamızın
şanslarını dəyərləndirib:
"Nəsə
demək çox çətindir. Zaman lazımdır. Sadəcə, milliyə uğurlar arzulayıram. Onu
deyə bilərəm ki, çətin olacaq. Bunu hamı dərk edir. Qrupda lider olacağımızı
demək düzgün deyil. Amma mümkünsüz heç nə yoxdur. Çalışıb milliyə layiq olan
futbolçuları cəlb etmək lazımdır. İnşallah hər bir futbolçu sağlam olsa nəticə
qazanmaq mümkündür”.
Cavadov
rəqiblərin durumu haqda fikirlərini də bildirib:
"Demək
olar ki, qrupdakı bütün rəqiblərin hamısı ilə oynamışıq. Yalnız Belarus millisinə
qarşı çıxış etməmişəm deyə yanlış məlumatım ola bilər. Ümumilikdə götürəndə elə
də güclü rəqib deyil. Qazaxıstan millisinin bizimlə oyunları həmişə prinsipial keçib.
Deməzdim ki, yüngül rəqibdir. Sloveniya əvvəllər qrupumuzda olub. Onlarla iki dəfə
oynamışıq. Səhv etmirəmsə oyunların biri heç-heçə bitib, digərində uduzmuşuq.
Demək istəyirəm ki, az-çox bu rəqibi tanıyırıq. Sadəcə, yaxşı hazırlaşıb,
oynamaq lazımdır”.
Səbuhi
Həsənov
