"Virusa
yoluxma sayı 500-dən 100-ə keçsə də, belə tədris prosesi ümumilikdə məhdudlaşdırılmayacaq”.
BunuQaynarinfo-ya açıqlamasında təhsil eksperti Kamran Əsədov ölkədə COVİD-19
virusuna yoluxanların sayının kəskin artmasından danışarkən deyib. Ekspert
bildirib ki, yalnız yoluxma baş verən məktəblərdə tədris prosesi 14 gün müddətində
məhdudlaşdırıla bilər:
"Biz
artıq bu təcrübəni keçmişik. Yenidən bizim tədrisi dayandırmağımız müzakirə
predmeti deyil. Mart ayında pandemiya ilə necə davranmağımızı, necə qorunmaq
lazım olduğunu bilmirdik. Mart ayının 3-də koronavirusun yayılmaması səbəbindən
tədris prosesi dayandı. Bu zaman bizim alternativ təhsil almaq formamız vardı.
Ən azından onlayın qaydadan istifadə edirdik. Amma sentyabrın 27-dən cəbhədə hərbi
əməliyyatlar keçirildiyindən internetə məhdudiyyətlər qoyuldu. Bu da hazırkı
dönəmdə onlayın tədrisin həyata keçirilməsini məhdudlaşdırır. İkinci bir səbəbdən
artıq bizdə təcrübə var ki, pandemiya ilə necə davranmalıyıq. Deməli, ümumilikdə
tədrisin yenidən bağlanmasına ehtiyac yoxdur. Amma yoluxma baş verən ərazilərdəki
məktəblərin fəaliyyəti məhdudlaşdırıla bilər”.
Kamran
Əsədov qeyd edib ki, bu gün orta məktəblərdə 1,6 milyon şagird təhsil alır:
"Bu rəqəm
eyni zamanda bir o qədər də valideyinin hərəkəti deməkdir. Məktəblər isə fəaliyyətə
mərhələli şəkildə başlayıb. Virusa yoluxanların rəqəmlərinin artması gözlənilən
idi. Harada kütləvi yoluxma baş verərsə, həmin məktəb bağlana bilər. Bu dəqiqə
distant təhsildən danışmağa dəyməz. Ölkədə heç bir şagird teledərsləri izləmir.
Ona görə yoluxma sayındakı bu rəqəmlər tədris prosesini məhdudlaşdırmasına gətirib
çıxara bilməz. Çünki heç bir yoluxma məktəbdə deyil, məktəbə qədər baş verir.
Virusa yoluxmuş şagirdlər məktəbin binasına daxil ola bilməz”.
Bahar
Rüstəmli
