Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Zelenski ABŞ Senatında Ukraynaya yardımın təsdiqlənməsinə reaksiya verdi
Aprelin 24-nə keçən gecə (Kiyev vaxtı ilə) ABŞ Senatı Ukrayna, İsrail və Tayvana yardım paketini təsdiqləyib, burada Ukraynaya dəstək üçün 60 milyard dollardan çox vəsait ayrılıb.
Qaynarinfo xəbər verir ki, Ukrayna prezidenti Volodimir Zelenski paketin təsdiqlənməsinə reaksiya verib.
"Mən ABŞ Senatına bu gün Ukraynaya həyati xilaskar yardımı təsdiq etdiyinə görə minnətdaram. Çoxluğun lideri Çak Şumerə və Respublikaçıların lideri Mitç Makkonnelə bu iki partiyalı qanunvericiliyin irəliləyişində güclü liderliyinə görə və lehinə səs vermiş hər iki partiyadan olan bütün ABŞ senatorlarına təşəkkür edirəm", - məlumatda deyilir.
Zelenski qeyd edib ki, bu səsvermə Amerikanın demokratiya çırağı və azad dünyanın lideri rolunu gücləndirir.
"Mən Ukraynanı dəstəkləməyə davam edən və bu qanun layihəsinin tarixi əhəmiyyətinin siyasətdən kənara çıxdığını qəbul edən bütün amerikalılara da minnətdaram. Mən də prezident Baydenin dəstəyini yüksək qiymətləndirirəm və qanun layihəsinin tezliklə imzalanmasını və növbəti hərbi yardımın çatdırılmasını səbirsizliklə gözləyirəm. Bu, mənim danışıqlarımızda həmişə hiss etdiyim qətiyyətə uyğun olacaq”, - deyə dövlət başçısı əlavə edib.
Prezident qeyd edib ki, Ukraynanın uzaq mənzilli imkanları, artilleriya və hava hücumundan müdafiəsi ədalətli dünyanın tezliklə bərpası üçün son dərəcə vacib vasitədir.
Qeyd edək ki, ABŞ Senatı Ukrayna, İsrail və Tayvana 95,2 milyard dollarlıq yardım paketini təsdiqləyib. Bunlardan 60 milyard dollardan çoxu Ukrayna üçün nəzərdə tutulub.
Məlumdur ki, vəsait bir neçə əsas istiqamət üzrə bölüşdürüləcək. Ukraynanın Baş naziri Denis Şmıqal bildirib ki, 49,9 milyard dollar müdafiə xərclərinə, 7,8 milyard dollar potensial büdcə dəstəyinə, 1,57 milyard dollar isə iqtisadi yardıma yönəldiləcək. Digər 400 milyon dollar isə sərhədlərin mühafizəsi və humanitar minatəmizləmə xərcləridir.
Xatırladaq ki, ABŞ Konqresinin Nümayəndələr Palatası şənbə günü, aprelin 20-də Ukraynaya maliyyə və hərbi yardım haqqında qanun layihəsini dəstəkləyib. Eyni zamanda, qanunvericilər Rusiya Federasiyasının suveren aktivlərinin Ukraynanın xeyrinə müsadirə edilməsinin mümkünlüyü haqqında aktı dəstəkləyiblər.
Alpər
Oxşar xəbərlər
"Sabah" "Araz-Naxçıvan"ı məğlub etdi
İdman
05.05.2024
Bu balıqların nəsli kəsilə bilər
Dünya
05.05.2024
"Ailəmi Sevda dağıtmayıb"
Maqazin
05.05.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər