Topaz Premyer Liqasında VIII turun oyunları davam edir. "Qaynarinfo" xəbər verir ki, bu gün turun daha iki qarşılaşması baş tutub.
Günün ilk oyununda "Zirə" "Kəpəz"i qəbul edib. İlk qələbəsini ötən tur qazanan "Kəpəz" Bakıdan da xalla dönmək arzusunda idi. Amma "Zirə" rəqibini darmadağın edərək "Qarabağ"ın xal fərqini artırmasına imkan verməib - 3:0. 47-ci dəqiqədə hesabı açan Təmkin Xəlilov 64-cü dəqiqədə dublunu rəsmiləşdirib. 79-cu dəqiqədə isə Riçard Qadze fərqlənib.
Günün digər oyunundat "Sumqayıt" "Qəbələ"ni qəbul edib. "Qırmızı-qaralar" səfər oyununda minimal hesablı qələbəyə sevinib. Matçın yeganə qoluna 29-cu dəqiqədə Famussa Kone imza atıb. Bununla da "Qəbələ" 3-cü pillədəki mövqeyini möhkəmləndirib.
Qeyd edək ki, turun ilk oyununda "Qarabağ" "İnter"i 2:0 hesabı ilə yenib. Tura sabah keçiriləcək "Səbail" - "Neftçi” matçı ilə yekun vurulacaq.
Premyer Liqa
2017/18 mövsümü
II dövrə, VIII tur
14 oktyabr
Zirə - Kəpəz 3:0
Qollar: Təmkin Xəlilzadə, 47; 64. Riçard Qadze, 79.
Zirə İdman Kompleksinin stadionu.
Sumqayıt - Qəbələ 0:1
Qol: Famussa Kone, 29.
Sumqayıt şəhər stadionu.
№ | Klub | O | Q | H/H | M | T/F | X |
1 | Qarabağ | 7 | 6 | 1 | 0 | 14:3 | 19 |
2 | Zirə | 8 | 5 | 3 | 0 | 15:5 | 18 |
3 | Qəbələ | 8 | 5 | 1 | 2 | 11:8 | 16 |
4 | Sumqayıt | 8 | 3 | 1 | 4 | 8:11 | 10 |
5 | İnter | 8 | 2 | 2 | 4 | 7:11 | 8 |
6 | Səbail | 6 | 2 | 0 | 4 | 4:8 | 6 |
7 | Neftçi | 7 | 1 | 1 | 5 | 5:9 | 4 |
8 | Kəpəz | 8 | 1 | 1 | 6 | 5:14 | 4 |
Bombardirlər | Mahir Mədətov (Qarabağ) - 5. Təmkin Xəlilzadə (Zirə),Riçard Qadze (Zirə) - 4. |
Qaynarinfo.Az
