ReAl hərəkatının həbsdə olan lideri İlqar Məmmədovun kamerasını dəyişdiriblər.
Qaynar.info xəbər verir ki, bu haqda məlumatı REAL-ın icraçı katibi Natiq Cəfərli verib.
Natiq Cəfərlinin sözlərinə görə, vəkil Fuad Ağayev təcridxanada İlgar Məmmədovla görüşüb: "İlqar yaxşıdı, hamıya salamı var. Kamerasını dəyişib, daha geniş kameraya salıblar, amma yanına da 5 nəfər siqaret çəkən adam yerləşdiriblər. Təcridxanadan vəkilə bildiriblər ki, yaxın zamanda siqaret problemi həll olunacaq".
REAL Hərəkatının lideri İlqar Məmmədov 2013-cu ilin yanvar ayında İsmayıllı rayonunda baş vermiş hadisələrə görə həbs olunub. Şəki Ağır Cinayətlər Məhkəməsinin hökmü ilə o, 7 il müddətinə azadlıqdan mərhum edilib.
Elkin Xəlilov
Qaynar.info
