Bu gün keçirilən İlqar Məmmədovun məhkəmə iclası təxirə salınıb.
Vəkil Xalid Bağırov prosesdə namizədin özünün- İlqar Məmmədovun iştirakının vacibliyi haqqında vəsatət qaldırıb.
Məhkəmə heyəti qısa müşavirədən sonra vəsatətin təmin edilməsi haqqında qərar verib və növbəti prosesin 27 sentyabr 15:00-a təyin edib. Sabah REAL Hərəkatının sədri İlqar Məmmədov məhkəmədə iştirak edəcək. Məhkəmə açıq olacaq, jurnalistlər və vətəndaşlar zalda prosesi izləyə biləcəklər. Məhkəmədə İlqar Məmmədovun çıxış edəcəyi gözlənilir.
Qeyd edək ki, məhkəmə prosesində Liberal Demokrat Partiyası tərəfindən prezidentliyə namizədliyi irəli sürülən Fuad Əliyevin kassasiya şikayətinə də baxılıb. Məhkəmə heyəti qısa müşavirədən sonra kasasiya şikayətinin təmin olunmaması barədə qərar verib.//Anspress
