İran-İraq müharibəsi zamanı itkin düşən həmədanlı şəhidin meyiti 31 il sonra tapılıb.
"Qaynar" axar.az-a istinadla xəbər verir ki, 1986-cı ildə Sumar bölgəsində keçirilən əməliyyatlar zamanı həlak olan azərbaycanlı Möhsün Rüstəminin meyiti tapılaraq ailəsinə təhvil verilib.
İran İtkin düşmüş əsgərlərin axtarış Komitəsindən verilən məlumata görə, Möhsün Rüstəmi Kərbəla-6 əməliyyatında şəhid olub.
Komitənin əməkdaşlarının tapılan meyitin üzərində aparılan araşdırmalar nəticəsində onun Rüstəmiyə aid olduğu üzə çıxıb.
Şəhidin dəfn mərasimi hərbi və rəsmi qurumların nümayəndələrinin iştirakı ilə mayın 3-də keçiriləcək.
Şəhidin iki övladı var.
Qaynar.Az
