Sonuncu dəfə Zamiq Hüseynovla olan qalmaqalı ilə gündəmə gələn əməkdar artist Abbas Bağırov bu il konsert verməyi planlaşdırır.
Qaynarinfo.az xəbər verir ki, çoxdandır hazırlamaq istədiyi albomu, nəhayət ki, ərsəyə gətirən Bağırov iyulun 20-də yeni albomunu təqdim edəcək. Müğənni albom təqdimatından sonra fərqli janrda konsert verməyə hazırlaşdığını açıqladı:
“Tamaşaçı konsertə gələndə fərqli bir şou gözləyir. Mən isə bu dəfə tamaşaçılarıma tam fərqli bir musiqi təqdim edəcəm. Bu günə qədər oxuduğum mahnıları akustik janrda ifa edəcəm. Bir sözlə akustik janrda bir konsert olacaq. Bunu məndən öncə Röya edib və çox bəyənmişdim. Röyadan fərqli olaraq konsertimi çox böyük zallarda planlaşdırmıram. Lakin 8-9 il öncə Leonid Aqutinin konsertini izləmişdim və düşünmüşdüm ki, mən də bu janrda konsert verməliyəm”.
Qaynarinfo.az
