"Amerikada
seçkilərin nəticələri Azərbaycan üçün heç bir dəyişiklik gətirməyəcək”.
BunuQaynarinfo-ya açıqlamasında politoloq Hikmət Hacızadə deyib. Onun fikrincə,
Amerika rəhbərliyi bundan sonra hər hansı dövlətin işinə qarışmayacaq:
"Ona
görə Azərbaycana qarşı nəsə bir şey gözlənilmir. Seçkilərin nəticələri haqqında
nəsə demək tezdir, gözləmək lazımdır. Nəticələrdən göründüyü kimi, Bayden irəlidədir.
Amma bəzi məsələlər var. Səsləri yenidən saymaq istəyirlər. Guya hansısa
ştatların səslərini axıra kimi saymayıblar. Nəticələrlə bağlı hər hansı bir fikrə
gəlmək tezdir. Bu gün axşam, ya da sabah tam nəticə məlum olacaq”.
Politoloq qeyd edib ki, seçkinin nəticələri ilə bağlı
Ali Məhkəməyə müraciət ediləcəyi gölənilir:
"Donald
Tramp deyib ki, Ali Məhkəməyə müraciət edəcəklər. Guya bəzi statlarda
hesablamalar keçirilməyib. Ali Məhkəmə qərar verəcək, ancaq mən buna
inanmıram”.
Qeyd
edək ki, noyabrın 3-də ABŞ-da növbəti prezident seçkisi keçirilib. Seçkidə əsas
mübarizə Respublikaçılar Partiyasının namizədi, indiki prezident Donald Trampla
Demokratlar Partiyasının nümayəndəsi, keçmiş vitse-prezident Cozef Bayden
arasında gedir.
Bahar
Rüstəmli
