ABŞ-ın 2017-ci il ərzində büdcə kəsrinin 666 milyard dollara çatması barədə məlumat yayılıb.
"Qaynarinfo" xarici mediaya istinadən xəbər verir ki, ABŞ maliyyə nazirliyinin hesabatına görə, 1 oktyabr 2016-cı ildən 30 sentyabr 2017-ci ilə qədər 666 milyard dollar büdcə kəsri qeydə alınıb. Kəsrin miqdarı 14% artıb, əvvəlki il bu rəqəm 586 milyard dollar idi.
Təkcə oktyabr ayında büdcə kəsri 63,2 milyard dollar olub. Ötən ilin eyni ayı ilə müqayisədə bu miqdar 37,9% artıb. Buna səbəb dövlət xərclərinin 299 milyard dollara yüksəlməsi, gəlirlərin 235 milyard dollar olmasıdır.
Qeyd edək ki, son bir il ABŞ-ın son 64 ildəki ən pis maliyyə dövrü hesab edilir.
Gülşən
Qaynarinfo.Az
