Gənclər və İdman Nazirliyi Heydər Əliyevin anadan olmasının 100 illiyi ilə əlaqədar ultra marafon yürüşü təşkil edəcək.
Nazirlikdən Qaynarinfo-ya verilən məlumata görə, yürüş Ağstafa-bakı marşrutu üzrə olacaq. Azərbaycanda, eləcə də ölkəmizdən kənarda təşkil olunan bir sıra yürüşlərdə iştirak etmiş Ağa Əliyev 5 gün ərzində 465 km-lik məsafəni qət edəcək.
Əliyev artıq tibbi yoxlamadan keçərək yürüşə başlayıb. O, ilk mərhələdə Ağstafadan Gəncəyə kimi olan 96 km-lik məsafəni qət edəcək. Marşrutun növbəti dayanma məntəqələri Yevlax, Kürdəmir və Hacıqabul olacaq.
O, yürüşü Fəxri xiyabanda Heydər Əliyevin məzarını ziyarət etməklə başa vuracaq.
Səbuhi Həsənov
