Məhkəmədən sonra saxlanılanlardan 12-si bu gün məhkəməyə çıxarılacaq
Bakı Ağır Cinayətlər Məhkəməsində “Nida” vətəndaş hərəkətinin üzvləri barəsində hökm elan edildikdən sonra məhkəmə binası qarşısında keçirilən etiraz aksiyası zamanı saxlanılanlardan 12-si bu gün məhkəməyə çıxarılacaq. Musavat.com-un reportyoru Cavanşir Abbasın verdiyi məlumata görə, onların işinə saat 10.00-da Nəsimi rayon məhkəməsində baxılacaq.
Əməkdaşımız məhkəmə qarşısına çıxarılacaq şəxslərin siyahısını da dəqiqləşdirib: Tural Abbaslı, Orxan Eyyubzadə, Orxan, Turan (soyadlarını öyroənmək mümkün olmayıb), Füzuli Ovçuyev, Türkel Azərtürk, Toğrul İbrahim, Kəmalə Bənənyarlı, Şamil Beydulla, Hüseyn Qarasulu, Kamran Zeynalov və Şəfi Şəfiyev.
Musavat.com
