Avropa Şurasının baş katibi Torbyorn Yaqland Azərbaycan Respublikası Ədliyyə naziri Fikrət Məmmədova məktubla müraciət edib.
Bu barədə məlumatı Qaynar.info-ya REAL-ın mətbuat xidmətindən verlib.
Məktubda O, son günlərdə REAL Hərəkatının Sədri İlqar Məmmədova qarşı olan təzyiqlərlə bağlı narahatlığı ifadə edib. Həmçinin İlqar Məmmədov haqqında Avropa İnsan Haqları Məhkəməsinin qərarını qeyd-şərtsiz və dərhal icra etməyə çağırıb.
İlqar Məmmədov 2013-cü il fevralın 4-də İsmayıllı hadisələri ilə bağlı həbs edilib. 2014-cü il martın 17-də məhkəmənin hökmü ilə 7 il azadlıqdan məhrum edib.
İlqar Məmmədovun şikayətinə əsasən Avropa İnsan Hüquqları Məhkəməsi İlqar Məmmədovla bağlı 2014-cü ilin dekabrında və 2015-ci ilin martında qərar çıxarıb. Bu ilin iyununda isə aralıq qətnamə qəbul edilib. Bu 3 qərarda Avropa Məhkəməsi Azərbaycan hakimiyyəti və Azərbaycan Ali hakimiyyətinə İlqar Məmmədovun dərhal azad olunmasına çağırış edir.
Buna baxmayaraq, İlqar Məmmədov hələ də həbsdə saxlanılır. Belə ki, Azərbaycan Ali Məhkəməsi 2015-ci il yanvarın 13-də İlqar Məmmədovun kassasiya şikayətinin baxışına başlayıb və işin baxılmasını təxirə salıb. Məhkəmə prosesi hələ də bərpa olunmayıb.
Qaynar.info
