Biləsuvar rayonunda güclü partlayış olub.
Rayondan Qaynar.info-ya verilən məlumata görə rayonun "Heydər Əliyev prospekti"ndə Naxçıvan sakini Cəfərov Şaiq Həsən oğluna məxsus yanacaq daşıyan qoşqulu "Kamaz" markalı maşın partlayıb.
Partlayışın təsirindən maşın 10 metr göyə qalxaraq parçalanıb.
***
Hadisə nəticəsində iki nəfər - sürücü Şaiq Cəfərli və qaynaqçı, Biləsuvar rayon sakini Poladov Əjdər Ziyad oğlu hadisə yerindəcə dünyasını dəyişiblər. Bir nəfər Biləsuvar rayon sakini, 1970 - ci il təvəllüdlü Təzəxan Poladov isə yaralı halda Biləsuvar Mərkəzi Rayon Xəstəxanasına yerləşdirilib.
Hadisə zamanı ətrafdakı insanların vahiməyə düşdüyü bildirilir.
Qaynar.info
