Bu gün Azərbaycan Müdafiə Nazirliyi Hərbi Dəniz Qüvvələrinin (HDQ) sabiq komandanı, vitse-admiral Şahin Sultanov barəsində seçilmiş həbs-qətimkan tədbirinin ləğvi ilə bağlı apellyasiya şikayətinə baxılıb.
“Qafqazinfo” xəbər verir ki, Apellyasiya şikayətinə hakim Faiq Qasımovun sədrliyi ilə keçirilib. Vitse- admiralın vəkili Adəm Məmmədov Ş. Sultanovun həbsinin ev dustaqlığı ilə əvəz olunması ilə bağlı vəsatət qaldırıb. Məhkəmə vitse-admiralı həbsdə saxlayıb.
Qeyd edək ki, Apelyasiya Məhkməsində Şahin Sultanov çıxış edib. O bildirib ki, dövlətçiliyə həmişə sadiqdir: "Bundan sonra da vətənə əsgər kimi xidmət etməyə hazıram".
Daha sonra Şahin Sultanov ona sürülən ittihamları qəti şəkildə rədd edib.
Xatırladaq ki, Ş. Sultanov Cinayət Məcəlləsinin 313-cü (vəzifə saxtakarlığı) və 179.3.2-cü (mənimsəmə - külli miqdarda törədildikdə) maddələri ilə təqsirləndirilən şəxs qismində cəlb edilməklə barəsində 3 ay müddətinə həbs-qətimkan tədbiri seçilib.
