Demokratik İslahatlar Partiyasının sədri Asim Mollazadə Marmaray tunelinin açılışı ilə bağlı Türkiyə və Azərbaycanı təbrik edib.
DİP-in mətbuat xidmətindən Qaynar.info-ya daxil olan təbrik bəyanatında deyilir: “Mustafa Kamal Atatürkün əsasını qoyduğu Türkiyə Cümhuriyyətinin 90-cı ildönümündə Marmaray tunelinin açılışı Azərbaycan və Türkiyə cümhuriyyətlərinin “bir millət iki dövlət” formuluna xidmət eləyən bir hadisədir. Marmaray Böyük İpək Yolu strategiyasının təməl daşlarından biridir. Onun açılışı Azərbaycan və Türkiyənin İpək Yolu layihəsinin gerçəkləşdirilməsində böyük rol oynadığını göstərir. Bu əlamətdar hadisə ilə bağlı tək millətimizi təbrik edirəm!”.
Qaynar.info
