Azərbaycan Respublikasının kənd təsərrüfatı naziri İsmət Abasov BMT-nin Ərzaq və Kənd Təsərrüfatı Təşkilatının (FAO) Konftansının 38-ci Sessiyasında iştirak etmək məqsədilə İtaliyanın Roma şəhərində səfərdədir.
Kənd Təsərrüfatı Nazirliyindən verilən məlumata görə, konfransda İ. Abasov bildirib ki, kənd təsərrufatı bizim iqtisatiyyatın çox önəmli bir sahəsidir: “Əhalinin təxminən yarısı kənd şəraitində yaşayır və bu sahəyə biz daim diqqət yetirməliyik. Gələcəkdə kənd təsərrüfatının inkişafına yeni proqramlar əlavə ediləcək və biz bu sahəyə maksimum dərəcədə diqqət göstərməliyik. Bu həm təhlükəsizlik, həm iqtisadi, həm də sosial məsələdir”.
Konfransda İsmət Abasova FAO-nun xüsusi mükafatı təqdim olunub. Aclığa və yoxsulluğa qarşı mübarizə sahəsində ölkəmizin əldə etdiyi uğurlara görəc Azərbaycan Respublikasına verilən mükafat İtaliyanın Roma şəhərində Təşkilatın mənzil-qərərgahında FAO-nun Baş direktoru Joze Qratsiano da Silva tərəfindən təqdim edilib.
Nazir İsmət Abasov təqdimat mərasimində çıxış edərək ölkə başçısı İlham Əliyev tərəfindən imzalanmış dövlət proqramlarının icrası nəticəsində Azərbaycanda yoxsulluğun təqribən 50 faizdən 5 faizə enməsi, son illərdə kənd təsərrüfatı sahəsində illik təqribən 6 faiz artım olmaqla dinamik inkişafın təmin edilməsi və kənd ərazilərində yaşayan əhalinin rifahının artması barədə tədbir iştirakçılarına məlumat verib.
Sonda konfrans iştirakçıları tərəfindən qəbul edilən. Konfrans iştirakçıları, xüsusilə Avropa İttifaqına hazırda sədrlik funksiyasını həyata keçirən İrlandiyanın nümayəndəsi, İsveçrə və Tacikistan təmsilçiləri FAO-nun 28-ci Avropa Regional Konfransının ölkəmizdə yüksək səviyyədə təşkil edildiyinə görə Azərbaycan Hökumətinə minnətdarlıqlarını bildirdilər.
Qaynar.info
