“Azərişıq” ASC elektron xidmətlərə görə “5 ulduz”a layiq görülüb

ASC-dən Qaynarinfo-ya bildirilib ki, bu sistemin əsas məqsədlərindən biri də vahid platforma üzərindən müraciətlərin idarə olunması, operativliyin və səmərəliliyin artırılması və şəffaflığın təmin edilməsidir. Bu sistem Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti, Ədliyyə Nazirliyi, Daxili İşlər Nazirliyi, Dövlət Vergi Xidməti və digər qurumlarla inteqrasiya olunduğu üçün sahibkarın elektrikə qoşulma ilə bağlı sənədlər toplusunu təqdim etməsinə ehtiyac qalmır.

Qeyd etmək lazımdır ki, elektron müraciət sistemi İqtisadi Əməkdaşlıq və İnkişaf Təşkilatı (OECD) tərəfindən innovativ layihə kimi qiymətləndirilib. Eyni zamanda, bu sahədə qanunvericiliyin təkmilləşdirilməsi nəticəsində elektrik şəbəkəsinə qoşulma üzrə prosedurların sayı 7-dən 2-yə, müddətin isə 41 gündən 20 günə endirilib.

Davamlı olaraq e-sistemin daha da təkmilləşdirilməsi və funksional imkanlarının genişləndirilməsi, onlayn qaydada E-GOV (elektron hökumət portalı),e-service.azerishiq.az saytından obyektinin enerji təchizatı şəbəkəsinə qoşulması ilə bağlı müraciət etmə imkanlarının yaradılması nəticəsində elektron müraciət edənlərin sayında əhəmiyyətli artım müşahidə olunub. Ötən müddət ərzində sahibkarların məmnunluğunun təmin olunması məqsədilə "Elektrik şəbəkəsinə qoşulma üzrə Kommunikasiya Strategiyası (2022-2025-ci illər üzrə) hazırlanaraq qəbul edilib və icrasına başlanılıb (https://www.azerishiq.az/upload/files/Kommunikasiya.pdf). Həmçinin Dünya Bankı Qrupunun "Əlverişli Biznes Mühiti” layihəsinə uyğun olaraq elektrikə qoşulma sahəsində qanunvericiliyin daha da təkmilləşdirilməsi və xidmətlərin rəqəmsallaşdırılması sahəsində tədbirlərin həyata keçirilməsinə dair 2022-2023-cü illər üzrə Yol Xəritəsi hazırlanaraq Biznes mühiti və beynəlxalq reytinqlər üzrə Komissiyanın sədri tərəfindən 2022-ci il 7 oktyabr tarixində təsdiq edilmiş və dərhal icrasına başlanılıb (https://azranking.az/public/images/doc_05.10.22_1.pdf).

Nəticədə, cari ilin mart ayı ərzində "qeyri əhali abonentinin enerji təchizatı şəbəkəsinə qoşulması” xidməti üzrə elektron müraciətlərin sayı 53.6 faizə çatıb. Ümumilikdə, 2023-cü ilin 1-ci rübündə onlayn müraciət edənlərin sayı ötən illə müqayisədə 5 dəfə artıb.