Bakının Sabunçu rayonunda 35 yaşlı qadın zorakılıqla üzləşib. Qaynar.info teleqraf.com-a istinadən xəbər verir ki, hadisə rayonun Pirşağı qəsəbəsində yerləşən yeni tikilidə baş verib.
Maştağa qəsəbəsində yaşayan, 1980-cı il təvəllüdlü S. H. əvvəllər tanıdığı Rövşən adlı şəxslə Pirşağı qəsəbəsinə gedib. Orada Rövşən adlı şəxs S. H.-nı döyüb və onunla cinsi əlaqədə olandan sonra hadisə yerindən qaçıb.
S.H. baş vermiş hadisə ilə bağlı Sabunçu Rayon Polis İdarəsinin 15-ci polis bölməsinə məlumat verib. Hadisə ilə bağlı təhqiqat aparılıb və hadisəyə hüquqi qiymət verilməsi üçün toplanmış materiallar Sabunçu Rayon Prokurorluğuna göndərilib.
Qaynar.info
