"Bağlanan 4 bankda ("AGBank”, "Amrah Bank”, "Atabank”, "NBC Bank”) əhalinin 690 milyon manata yaxın vəsaiti var idi. Bununla yanaşı problemli kreditlərin həcmi 73 faizə yaxın idi. Ona görə də bu banklar əmanətləri qaytarmaq iqtidarında deyildi”.
Qaynarinfo baku.ws-ə istinadən xəbər verir ki, bunu Mərkəzi Bankın sədri Elman Rüstəmov mətbuat konfransı bildirib.
O qeyd edib ki, Prezident İlham Əliyev tərəfindən Əmanətlərin Sığortalanması Haqqında Qanunun müddətinin uzadılması və bu qanunun mövcudluğu bu gün imkan verir ki, bağlanan banklardakı əhalinin əmanətləri qaytarılsın.
