İspaniyanın "Barselona” klubunda baş məşqçi dəyişikliyi rəsmiləşib.
Qaynarinfo-nun APA-ya istinadən məlumatına görə, Kataloniya təmsilçisi çalışdırıcısı Ernesto Valverde ilə vidalaşıb.
Onun əvəzinə artıq yeni baş məşqçi də təsdiqlənib. "Barselona” 61 yaşlı Kike Setyenə həvalə olunub. "Betis”in sabiq çalışdırıcısı ilə 2022-ci il iyunun 30-dək müqavilə imzalanıb.
Bu gün onun rəsmi təqdimatı olacaq.
Qeyd edək ki, 2017-ci ildən "Barselona”nın "sükanı arxası”nda olan Valverde komandanı 163 rəsmi matça çıxarıb. O, bunlardan 108-də (66 faiz) qələbə qazanıb, 35-də heç-heçə (22) edib və 20-də (12) məğlub olub.
"Barselona” La Liqada 19 turdan sonra 40 xalla birinci pillədədir.
