Baş nazirin xanımından Fatih Terimin qızı və Arda Turanın anasına zəng
Baş nazir Binəli Yıldırımın xanımı Semiha Yıldırımın Türkiyə millisinin baş məşqçisi Fatih Terim AÇ-2016-da İspaniyaya 0:3 hesabı ilə məğlub olduqları oyundan sonra onun təhqir olunan qızı Buse Terimlə telefon danışığı olub.
Qafqazinfo-nun Türkiyə mətbuatına istinadən verdiyi məlumata görə, Semiha Yıldırım Buse Terimə baş verən hadisəyə görə çox kədərləndiyini söyləyib.
O, 6 aylıq hamilə olan Terimə özünün və körpəsinin sağlığını düşünməli olduğunu, bu cür yazılara fikir verməməyi məsləhət görüb.
Baş nazirin xanımı, həmçinin Türkiyə-İspaniya matçında azarkeşlər tərəfindən dəfələrlə etirazla üzləşən Türkiyə millisinin kapitanı Arda Turanın anası Yüksəl Turanla da telefon vasitəsilə əlaqə saxlayaraq onu təsəlli edib.
Qaynarinfo.az
