"Mövlüd
Çavuşoğlunun jurnalistlərə açıqlamasında da biz Türkiyənin qətiyyətini
görürük”.
Bunu Qaynarinfo-ya açıqlamasında Milli Məclisin deputatı Aydın Mirzəzadə Türkiyənin
Xarici İşlər naziri Mövlud Çavuşoğlunun Azərbaycana səfərini şərh edərkən
deyib. O bildirib ki, Azərbaycan-Türkiyə çox yaxın dost, qardaş dövlətlərdir:
"Onların
çətin günlərdə bir-birinin yanında olması artıq tarixdir. Bu baxımdan Azərbaycanın
işğal altında olan torpaqlarını Ermənistan silahlı qüvvələrindən təmizlədiyi
bir dönəmdə Türkiyənin siyasi dəstəyi olduqca önəmlidir. Xarici İşlər nazirinin
səfəri iki ölkənin bundan sonra birgə əməkdaşlıq məsələləri, Azərbaycanın bu
günündə Türkiyənin ona siyasi dəstək verməsi və eyni zaman hər iki ölkəni
narahat edən müəyyən məsələlərin müzakirəsi şübhəsiz ki, gündəlikdə olan
mövzulardandır. Mövlüd Çavuşoğlunun jurnalistlərə açıqlamasında da biz Türkiyənin
qətiyyətini görürük. Azərbaycan heç zaman Türk dövlətinin, xalqının bu münasibətini
unutmayacaq”.
Aydın
Mirzəzadə hesab edir ki, bugünkü reallıq Azərbaycan-Türkiyə dostluğunun nəticəsidir:
"Bizim
dostluğumuz demək olar ki, bütün sahələri əhatə edir. Şübhəsiz tərəflər təkcə
Dağlıq Qarabağda gedən hərbi əməliyyatlarda deyil, eyni zamanda birgə layihələr,
ölkələr qarşısında olan məsələlərin analizi, beynəlxalq birlikdə birgə fəaliyyətini
də müzakirə ediblər”.
Bahar
Rüstəmli
