
Bərdədə ölümlə nəticələnən yol qəzası baş verib.
Qaynarinfo xəbər verir ki, hadisə Bərdə-Yevlax avtomobil yolunun Saatlı kəndi ərazisindən keçən hissəsində qeydə alınıb.
Qadın sürücünün idarə etdiyi avtomobil yolu keçən Qarağacı kənd sakini, 1994-cü il təvəllüdlü Fərid Qasımovu vurub. Piyada aldığı xəsarətlərdən hadisə yerində ölüb.
Mərhumun meyiti müayinə olunması üçün Bərdə rayon morquna aparılıb.
Faktla bağlı araşdırma aparılır.