Azərbaycanda bir gündə iki məhbus xəstəlikdən dünyasını dəyişib.
Nizami Rayon Prokurorluğundan APA-ya verilən məlumata görə, hadisə Ədliyyə Nazirliyi Penitensiar Xidmətin Müalicə Müəssisəsində qeydə alınıb.
Müəssisədə müalicə olunan məhbuslar – 1951-ci il təvəllüdlü Məhəddin Şirinov və 1953-cü il təvəllüdlü Saməddin İsmayılov xəstəlikdən dünyasını dəyişiblər.
Dünyasını dəyişən məhkumların hər ikisinin meyiti ekspertizadan keçirilib. Ekspertizanın rəyi açıqlandıqdan sonra onların ölümünün səbəbləri məlum olacaq.
Qeyd edək ki, M.Şirinov Cinayət Məcəlləsinin 126.3-cü (qəsdən sağlamlığa ağır zərər vurma – ehtiyatsızlıqdan zərərçəkmiş şəxsin ölümünə səbəb olduqda) maddəsi ilə təqsirli bilinərək 10 il, S. İsmayılov isə Cinayət Məcəlləsinin 178.3.2-ci (dələduzluq) maddəsi ilə təqsirli bilinərək 8 il müddətinə azadlıqdan məhrum ediliblər. Onların hər ikisi bir neçə ilə əvvəl məhkum olunub.
Faktla bağlı araşdırma aparılır.
Qaynar.info
