Şəmkirdə bir nəfər su anbarında batıb. Qaynar.info Fövqəladə Hallar Nazirliyinin (FHN) saytına istinadən xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Şəmkir şəhərində 1 nəfər su anbarında çimərkən batıb.
Fövqəladə Hallar Nazirliyinin dalğıc-xilasediciləri tərəfindən axtarışlar davam etdirilir.
Qusarda isə yanğın hadisəsi qeydə alınıb.
Rayonun Həzrə kəndində vətəndaşa məxsus ümumi sahəsi 160 kv.m olan ikimərtəbəli 4 otaqlı evin yanar konstruksiyaları və birinci mərtəbəsinə yığılmış 7,5 ot bağlaması yanıb.
Yaxınlıqdakı ev yanğından mühafizə olunub. Yanğın yanğınsöndürənlər tərəfindən söndürülüb.
Qaynar.info
