“Bu Alyansın gələcəyi o zaman olacaq ki, hamımız eyni hüquqa malik olaq”.
Bunu bu gün Bakıda BMT-nin Sivilizasiyalar Alyansının VII Qlobal Forumu çərçivəsində keçirilən BMT Sivilizasiyalar Alyansının Dostları Qrupunun yüksək səviyyəli iclasında Rusiya Xarici İşlər Nazirliyinin nümayəndəsi Konstantin Şuvalov söyləyib.
O deyib ki, bir qrup ölkə digər qrup ölkəni öyrətməyə cəhd göstərsə, Alyansın səylərinin nəticəsi olmayacaq: “Elə bir iş aparılmalıdır ki, öz ölkələrində azlıqlar öz dövlətləri tərəfindən müdafiə olunsun. KİV-lərlə daha yaxından işləmək lazımdır. KİV-ləri sövq etmək lazımdır ki, zorakılığa təhrikdən çəkinsinlər, əksinə, sülh şəraitində birgə yaşayışı təşviq etsinlər”.
Qaynarinfo.az
