Cəlilabad rayonunda sərnişin taksi sürücüsünü bıçaqlayıb.
Rayondan Qaynar.info-ya daxil olan məlumata görə, hadisə rayonun Heydər Əliyev Prospektində baş verib. Cəlilabad rayon sakini 24 yaşlı Emin Cəfərov avtomobilə əyləşmiş rayon sakinini lazımı ünvana aparıb. Daha sonra həmin şəxs deyilən ünvana çatmamış sürücüdən geri qayıdaraq avtomobili digər istiqamətə sürməyi tələb edib.
Bu zaman isə avtomobilin yanacağı qurtarıb. Sürücü Emin Cəfərov sənişindən yanacaq almaq üçün yolhaqqını tələb etdikdə onlar arasında mübahisə yaranıb. Bu zaman "Qara" ləqəbli sənişin sürücüyə yaxınlaşaraq bıçaqla ona bir neçə zərbə endirib.
Yaralı sürücü rayon mərkəzi xəstəxanasına yerləşdirilib.
Hazırda faktla bağlı Cəlilabad rayon Polis Şöbəsində araşdırma aparılır.
Qaynar.info
