Cəlilabad rayonunun Alar kəndində bir qızın atın sürüməsi nəticəsində faciəvi şəkildə ölməsi haqqında dəqiqləşdirilməmiş xəbərlər yayılıb. Azvision.az dəhşətli faciənin əsl təfərrüatlarını öyrənib.
Sayt əvvəl kəndin icra nümayəndəliyi ilə ələqa saxlayıb. O, bildirib ki, 11 yaşlı Əhmədova Familə Teyyub qızını at sürüyüb və bundan sonra o dünyasını dəyişib: “Hadisə beş gün öncə baş verib. Çoban örüşdə qoyun otarırmış. Familə də orada olub. Çoban birdən atdan düşüb və sürünü başqa yerə uzaqlaşdırmaq istəyib. Bu zaman o, atın əlində olan kəndirini Familəyə verib. Familə isə həmin kəndiri qoluna dolayıb. Çoban qoyunların arxasınca gedib. Bu zaman ipi Familənin əlinə bağlı olan at hürküb və qaçmağa başlayıb. Familə isə ipi aça bilməyib. At onu xeyli vaxt sürüyüb. Onun bədəni tikə-tikə olub. Daha sonra atı tutub saxlayıblar. Və Familənin cansız bədənini ailəsinə təhvil veriblər”.
Hadisə ilə bağlı mərhum qızın ailəsi də danışıb. Əmisi Mürsəl Əhmədov bütün kəndin yas içində olduğunu söyləyib: “Bu gün Familənin yas mərasimidir. Onun 11 yaşı var idi. Məktəbdə oxuyurdu. Bu dəhşətdi. Biz onun yoxluğuna dözə bilmirik. Heç kəs bu hadisə ilə maraqlanmır”.
Daha sonra o, daha bir dəhşətli faktı açıqlayıb: “Familənin faciəsinə dözə bilməyən qardaşı Nemətin də ürəyi partlayıb. Hazırda qardaş-bacının yas mərasimini keçiririk. Bu dəhşətdir. Nemət bacısının faciəsinə dözə bilmədi. Yas-yasa qarşıb”.
Qaynar.info
