Bu gün, avqustun 24-də Böyük Britaniyanın Baş naziri Boris Conson Ukraynaya rəsmi səfərə gəlib.
Bu barədə RBC-Ukrayna Ukrayna prezidenti Volodimir Zelenskiyə istinadən xəbər verir https://www.rbc.ua/rus/news/dzhonson-priehal-kiev-poluchil-orden-zelenskogo-1661348712.html .
"RBC-Ukrayna”nın müxbirinin verdiyi məlumata görə, Kiyevdə keçirilən birgə mətbuat konfransında Ukrayna lideri ordeni Britaniyanın baş nazirinə təqdim edib.
"Bütün ukraynalılar adından Borisə "Azadlıq” ordenini təqdim etmək şərəfinə nail oldum, bu mükafat onun ölkəmiz və bütün Avropa üçün etdiklərini tam əks etdirir”, - deyə Zelenski bildirib.
Conson öz növbəsində Rusiyanın genişmiqyaslı təcavüzünə qarşı mübarizə aparan ukraynalılardan danışıb.
"Siz onları (Rusiya qoşunlarını – red.) Kiyevdən, Xarkovdan uzaqlaşdırmaqla Putinə apperkot vura bildiniz və onun bu müharibə təhlükəsini və sevimli ölkənizi müdafiə etmək üçün ödəməyə hazır olduğunuz qiyməti qiymətləndirməməkdə nə qədər dəhşətli səhv etdiyini dünyaya daha aydın göstərdiniz. Mən öz həyatlarını davam etdirən sadə ukraynalıların cəsarətini alqışlayıram”, - Britaniyanın Baş naziri bildirib.
Xatırladaq ki, iyul ayında Britaniya mətbuatı payızda Britaniyanın baş naziri Consonun postunu tərk edəcəyi səbəbindən Ukraynaya vida səfəri planlaşdırdığını yazmışdı.
Bundan əlavə, iyul ayında Conson Odessanın fəxri vətəndaşı adına layiq görülüb.
Nizami Bağırov
