"Gerçək
tariximiz xalqımız üçün "Böyük Ermənistan" adlı bədii fantastika ilə
müqayisədə daha maraqlı və vacibdir”.
Qaynarinfoxəbər verir ki, bu sözləri Ukraynada yaşayan tanınmış erməni tarixçi-tədqiqatçı
Filip Ekozyants özünün Facebook səhifəsində Rusiya mediası maqnatı, daha
doğrusu, təxribatçı Aram Qabrelyanovun ittihamlarına cavab olaraq yazıb.
"Allah
sənə can sağlığı versin, Aram! Səhv edirsən, mən xain deyiləm. Xainlər
tariximizi təhrif edənlər və bizi qonşularımızın gözündə zalım və səhvindən əl
çəkməyən düşmən edənlərdir. Ancaq onları da xain adlandırmaq olmaz, çünki onlar
erməni xalqından deyillər, daha doğrusu, 17-ci əsrdə erməni adlandırılan o
xristian icmasından. Məhz o vaxt missionerlər əcdadlarımızı "götürüb"
bizi Levantda öz alətlərinə çevirdilər. Bizim gerçək tariximiz xalqımız üçün "Böyük
Ermənistan" adlı bədii fantastikadan daha maraqlı və vacibdir. Üstəlik, əsl
tariximiz sizin də, övladlarınız və nəvələriniz, həmçinin bu postun altına pis
niyyətli şərh yazanlar və haqqında jurnalistlərinizin video çəkdikləri və
milyonlarla başqasının da mənsub olduğunuz xalqımız üçün barış mənbəyidir",
- Ekozyants yazıb.
Erməni
tarixçi öz statusunda bir neçə il həqiqətlə yaşamağın əsrlərlə yalan udmaqdan,
özünü və ətrafındakı hər kəsi məhv etməkdən daha yaxşı olduğunu qeyd edib:
"Buna
görə vaxtımı və enerjimi atalarımızın həyatı ilə bağlı həqiqəti bərpa etmək və
sizinlə bölüşmək üçün sərf edirəm. Həm də çox yaxşı başa düşürəm ki, çox hissəsi
aldadılmış xalqımızın insanlarının hamısı zərərsiz deyil. Yəqin ki, sən özün də
onlardan birisən, Aram. Amma bir neçə il həqiqətlə yaşamaq əsrlərlə yalan
udmaqdan, özünü və ətrafındakı hər kəsi məhv etməkdən daha yaxşıdır. Mətbuatda sizin
haqqınızda yazılanlarla tanış oldum və bu şəkildə olsa da, sizi tanıdığıma görə
çox sevindim”.
Daha
sonra erməni tarixçi əlavə edib:
"Cavab
olaraq sizə aşağıdakıları demək istəyirəm. Aram, sizin əlinizdə üç əsrdir yalanlarla
boğulan insanları bu xəyallar bataqlığından azad etməyə kömək edə biləcəyiniz
bir mexanizm var. Sevdiyiniz xalqa həqiqətən kömək etmək üçün bu imkanlarınızdan
istifadə edin. Bəlkə də mənim əsərlərimlə şəxsən tanış olmaq üçün kifayət qədər
müdriklik və səbriniz var, ancaq onları sosial şəbəkələrdən gələn isterik
"qışqırıq”larla qiymətləndirməyin. Əminəm ki, bundan sonra məndən hamı
qarşısında üzr istəyəcəksiniz və biz oturub birlikdə Azərbaycan çayı içəcəyik. Lap
erməni çayı olsun, əgər sizdə varsa... Allah sənə can sağlığı versin, qardaş".
Alpər
