AXCP sədri Əli Kərimli və müavinləri həbsxanada aclıq aksiyası keçirən NİDA-çıların aclıq edən analarını ziyarət edib.
AXCP sədri bu barədə facebookda yazıb. Ə. Kərimli bildirib ki, onların azadlıqsevər, vətənpərvər, mübariz övladları zülmlə mübarizənin ön cəbhəsindədirlər:
“Analar isə hər zaman oğullarının arxasındadırlar. İndi onlar da mübarizə aparırlar. Şəxsi nümunələri ilə yatmış vicdanları oyatmağa çalışırlar. Bu ağır zamanlar keçəcək. NİDA-çılar, digər siyasi məhbuslar, elə Azərbaycan da azadlığına qovuşacaq. Sizlər isə övladlarınızla hər zaman fəxr edə biləcəksiniz. Axı sizlər əsl vətəndaş böyütmüsünüz”.
Qaynar.info
