Ermənistan prezidenti Vaaqn Xaçaturyan Qarabağla bağlı hakimiyyətin mövqeyini Sankt-Peterburqun erməni icmasına təqdim edib.
Qaynarinfo Sputnik Ermənistan-a istinadla xəbər verir ki, bu barədə dövlət başçısının mətbuat xidməti məlumat
yayıb.
Görüş zamanı o vurğulayıb ki, bu cür səfərlər diaspor nümayəndələri ilə məzmunlu görüşlər və müzakirələr üçün gözəl imkan yaradır. Bu kontekstdə Xaçatryan qeyd edib ki, istənilən erməninin problemi bütün Ermənistanın problemləri kimi qəbul edilir və görüşlərin məqsədi hansı problemlərin həll edilməli olduğunu anlamaqdır.
"Digər tərəfdən, bu, Ermənistandakı vəziyyəti sizə təqdim etmək üçün yaxşı fürsətdir. Siz müxtəlif mənbələrdən məlumat alırsınız, lakin yalan məlumatların təfərrüatlarına və təkzibinə ehtiyac var", - o deyib.
Prezident Ermənistan-Rusiya əməkdaşlığı, Ermənistandakı daxili siyasi vəziyyət və regional təhlükəsizlik məsələlərinə də toxunub. Qarabağ probleminə və onun həlli ilə bağlı Ermənistan hakimiyyətinin mövqeyinə xüsusi diqqət yetirilib.
Sankt-Peterburqa səfəri zamanı Xaçaturyan Sankt-Peterburqdakı Katarin erməni kilsəsini də ziyarət edib.
Xaçaturyan iyunun 15-dən 17-dək Rusiyada işgüzar səfərdədir və bu səfər zamanı o, Sankt-Peterburq Beynəlxalq İqtisadi Forumunda (SPIEF) iştirak edir. Beynəlxalq forumda iştirak edən dövlət başçıları ilə də görüşlər nəzərdə tutulub.
Alpər
