Bu gün keçmiş deputat Gülər Əhmədovanın məhkəməsi başlayıb. Musavat.com-un xəbərinə görə, Gülər Əhmədova məhkəmədə bəyanat verib. O bildirib ki, ABŞ və ATƏT onu cinayətkar adlandırıb: "Məhkəmə olmadan onların məni cinayətkar adlandırmağa nə haqqı var? Cəmil Həsənli məni 9 milyonluq xalqın qarşısında biabır edib, "mandat alverçisi" adlandırıb. Tələb edirəm ki, növbəti məhkəmə iclasında ABŞ səfirliyindən, ATƏT-dən nümayəndələr, eləcə də Cəmil Həsənli iştirak etsinlər".
Qeyd edək ki, G. Əhmədova Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) və 307.2-ci (cinayət barəsində xəbər verməmə və ya qabaqcadan vəd etmədən ağır cinayəti gizlətmə) maddələri ilə təqsirləndirilir.
Qaynar.info
