Xalq artisti, ustad sənətkar Habil Əliyevin səhhəti yaxşılaşsa da, kaman ustadı hələ də evdən bayıra çıxmır. Publika.az-a danışan sənətkar səhhətinin get-gedə gümrahlaşdığına görə ömür-gün yoldaşı Şərqiyyə xanıma borclu olduğunu deyib və zarafatından da qalmayıb:
“Yaxşıyam, evin içində gəzib-dolanıram. Şərqiyyə olmasa, çoxdan ölərdim. Yaxşı ki, cavanlıqda arvadı boşamadım, yoxsa, indi çoxdan qəbirdə olardım. Şərqiyyəyə zarafatla deyirəm ki, yadındadır, o vaxt səni boşamaq istəyirdim. Zarafat edirəm, mən arvad sarıdan yarıyan kişilərdənəm. Kişini yaxşı saxlayan onun xanımıdır. Yeməyimi, yatmağımı saatbasaat hesablayır. Allah onu mənə çox görməsin”.
Qaynar.info
