"Özünə andiçmə mərasimi keçirmişdi. Baxım görüm andiçmə mərasimini harada keçirəcək?! Yas mərasimi keçirəcək! İndi qaçıb siçan kimi gizlənib, çıxsın ortalığa!”
Qaynarinfo xəbər verir ki, bunu Azərbaycan Respublikasının Prezidenti İlham Əliyev xalqa müraciəti zamanı Qarabağdakı separatçıların lideri barədə danışarkən deyib.
Dövlət başçısı bildirib ki, Azərbaycan tarixi ədaləti bərpa edir: "Biz yeni tarix yazırıq. Tarixi ədaləti bərpa edirik. Qarabağ bizim əzəli torpağımızdır. Azərbaycan xalqı əsrlər boyu bu torpaqlarda yaşayıb və yaradıb. Ancaq 30 ildir ki, erməni cəlladları tarixi torpaqlarımızı işğal edib. Tarixi abidələrimizi məhv ediblər”.
