12:36Tiflisdə Azərbaycan, Türkiyə və Gürcüstan prezidentlərinin iştirakı ilə sammit başlayıb.
APA-nın Gürcüstana ezam olunmuş müxbiri xəbər verir ki, “2014 Tiflis sammiti” adlı təbdir Gürcüstan parlamentinin Milli Kitabxanasında keçirilir.
Sammitə Azərbaycan prezidenti İlham Əliyev, Türkiyə prezidenti Abdulla Gül və Gürcüstan prezidenti Georgi Marqvelaşvili qatılıb.
Sammitdə son 20 ildə iqtisadi, ticarət, nəqliyyat və enerji sahəsində əməkdaşlığın nəticələri nəzərdən keçirilir, cari və planlaşdırılmış gələcək layihələr müzakirə edilir.
Xatırladaq ki, “2014 Tiflis sammiti” Georgi Margvelashvilinin Azərbaycan və Türkiyəyə səfərləri zamanı planlaşdırılıb.
13:14
Sammitdə çıxış edən Azərbaycan prezidenti bu təşəbbüsə görə Gürcüstan prezidentinə təşəkkür edib.
İlham Əliyev 3 ölkə arasında həm ikitərəfli, həm də 3 tərəfli əlaqələrin yüksək səviyyədə olduğunu qeyd edib.
Azərbaycan prezidenti bu ölkələrin əməkdaşlığının yalnız region üçün yox dünya üçün böyük əhəmiyyət kəsb etdiyini vurğulayıb. Hazırda sammit davam edir (ANS PRESS).
Qaynar.info
