"İndiki
zamanda atəşkəs işğalın uzanması deməkdir”.
BunuQaynarinfo-ya açıqlamasında politoloq Elxan Şahinoğlu Almaniya Xarici İşlər
naziri Heiko Maasın atəşkəsə çağırış və ölkəmizə təzyiq göstərilməsi barədə
açıqlamasını şərh edərkən deyib. Politoloq təəssüflə Almaniyanın Xarici İşlər
Nazirliyinin bəyanatında da Azərbaycanın ərazi bütövlüyünün birmənalı vurğulanmadığını
qeyd edib:
"Yenə
də sülh və atəşkəs deyirlər. Sülh, atəşkəs olsun, biz də istəyirik, bəs
sonrası... Axı siz Ermənistanı sülhə məcbur etmirsiniz? Axı siz Ermənistanı
Qarabağ ətrafında 7 rayonu boşaltmağa məcbur etmirsiniz? İndiki zamanda atəşkəs
işğalın uzanması deməkdir”.
Elxan
Şahinoğlu bildirib ki, Almaniyanın Xarici İşlər Nazirliyinin açıqlaması heç nəyi
ifadə etmir:
"Sadəcə,
Fransanın yedəyində sürünürər. Yəni, Fransa nəsə deyib, biz də ondan geri
qalmayaq”.
Qeyd
edək ki, Almaniya Xarici İşlər naziri Heiko Maas atəşkəsə çağırış və ölkəmizə təzyiq
göstərilməsi barədə açıqlama verib. Həmin açıqlama Azərbaycan ictimaiyyətində
ciddi narahatlıq yaradıb.
Bahar
Rüstəmli
