Devid Bekhemlə birlikdə "İnter Mayami"nin ortaq sahibi olan Jorj Mas 2019-cu ildən argentinalı Lionel Messini komandaya dəvət etmək barədə düşünməyə başladığını açıqlayıb.
Qaynarinfo xəbər verir ki, bu barədə "El Pais" məlumat yayıb.
"2019-cu ildə biz onu dünya səviyyəli böyüyən şəhər olan Mayamiyə necə gətirə biləcəyimizi düşünməyə başladıq. Biz istəyirik ki, insanlar Amerikada futbol haqqında düşünəndə Mayami haqqında düşünsünlər”, deyə Mas bildirib.
İyunun 3-də Messi Fransa çempionatının 38-ci turunda "Klermon"a qarşı meydana daxil olaraq PSJ-nin forması ilə son matçına çıxıb. Futbolçunun parislilərlə müqaviləsi iyunda başa çatıb və o, azad agent kimi "İnter Mayami"yə keçib.
Aydın
