Bu ilin əvvəlindən “Şamaxı” Elektrik Şəbəkəsi Müəssisəsində keçirilmiş reydlər zamanı 145 istehlakçının sayğac uçot komplektində qüsur aşkar edilib.
Nəticədə 394,8 min kilovat-saatdan artıq itirilmiş elektrik enerjisinin 23,7 min manata yaxın istehlak dəyəri qeydə alınıb.
“Qafqazinfo”nun xəbərinə görə, “Azərenerji” ASC-nin mətbuat xidmətindən bildirilib ki, hazırda Şamaxı rayonunun elektrik şəbəkələri yenidən qurulur. Son üç ayda 10, 6 və 0,4 kilovoltluq elektrik verilişi xətlərində, transformator məntəqələrində müxtəlif təyinatlı təmir işləri aparılıb.
Ötən 5 ayda müəssisə üzrə ümumi istehlak artaraq 28,9 milyon kilovat-saata yaxın olub.
