"Jolly Joker" Bakıdakı Yeni Məkanı ilə Sərhədlərini Genişləndirir

22 filialı ilə Türkiyənin ən böyük və ən prestijli konsert şəbəkəsi olan "Jolly Joker” brendi Azərbaycanda öz yeni filialını açır. Əvvəllər "Elektra Events Hall” kimi tanınan və hər kəs tərəfindən sevilən konsert zalı artıq "Jolly Joker Bakı” olaraq şəhərimizin əyləncə həyatına yeni bir nəfəs gətirəcək və 20 aprel tarixində Yıldız Tilbe konserti ilə fəaliyyətə başlayacaq.

16 ildir yüksək keyfiyyət standartlarında tərtib edilmiş konsert məkanlarında ulduzlarla pərəstişkarlarını birləşdirən "Jolly Joker” geniş və fərqli kütlələri bir araya gətirərək Bakıdakı konsert məkanında Türk ulduzlardan başqa yerli və xarici sənətkarları da öz səhnəsində qonaq edəcək. 20 aprel Yıldız Tilbe, 21 aprel Dolu Kadehi Ters Tut qrupu, 27 aprel Levent Yüksel, 4 may Yüzyüzeyken Konuşuruz qrupu, 10 may Gökhan Türkmen, 11 may İrem Derici, 17 may Son Feci Bisiklet qrupu ve 1 iyun Adamlar qrupu  "Jolly Joker Bakı”da səhnə alacaq.

Azərbaycanın qəlbində "Jolly Joker Bakı”nı açmağın sevincini bölüşən "Jolly Joker”in İdarə Heyətinin üzvü Can Aydoğdunun sözlərinə görə "Jolly Joker”in qloballaşma yolundakı ilk addımı qardaş ölkə Azərbaycandan başlayır və yeni açılacaq məkanda "Jolly Joker Bakı” komandası hər zaman rəngarəng və yüksək standartlara cavab verəcək konsert və əyləncələr təşkil etməyə çalışacaq.

Rezervasiya və Ətraflı Məlumat üçün +994 50 700 70 97 nömrəsi ilə əlaqə saxlaya bilərsiniz.

Konsert Biletlərini iTicket.az vebsaytından əldə edə bilərsiniz.