Fermer Anar Abbasov yaxın günlərdə kartofun qiymətinin artacağı ilə bağlı məlumata aydınlıq gətirib.
O, Qaynarinfo-ya açıqlamasında payız aylarında kartofun qiymətinin artmasının gözlənilmədiyini bildirib:
"Hazırda satışda Tovuz kartofudur çıxır. Yerində 40 qəpikdir. Yaxın 3-4 günə Cəlilabad kartofu çıxacaq. Əslində qiymətin qalxacağı ilə bağlı deyilənlər düz deyil. Çünki qiymətlər enəcək".
Anar Abbasovun sözlərinə görə, havalar yaxşı keçdiyindən kartof sahələrində məhsuldarlıq yüksəkdir:
"Əvvəlki illərlə müqayisədə bu qədər kartof olmayıb. Payız kartofu yerdən çıxan kimi bazarlara gətirilir. İstər-istəməz köhnə kartofa tələbat azalır. Ona görə kartofun qiyməti mütləq şəkildə aşağı düşəcək".
Bahar Rüstəmli
