"Norovirus koronovirusun bir növüdür”.
Bunu Qaynarinfo-ya açıqlamasında tibbi-ekspert Adil Qeybulla ABŞ-ın Luiziana ştatında yayılan norovirus növünü şərh edərkən deyib. Onun sözlərinə görə, koronovirusların 3 növü insan həyatı üçün təhlükə mənbəyidir:
"Norovirus soyuq aylarda baş qaldıran mövsümi xəstəliklər sinifinə aiddir. Bu xəstəlik hər il insanlara yoluxur. Sadəcə, onun 3 forması var ki, bunlar insan həyatı üçün təhlükəli sayılır. Onlardan biri "2019-novokoronovirus”dur”.
Eyd edək ki, ABŞ-ın Luiziana ştatında ən azı iki yüz nəfər norovirusa yoluxub. Bəzən bağırsaq və ya mədə qripi adlandırılan Norovirus kəskin bağırsaq infeksiyasına səbəb olur.
Bahar Rüstəmli
