"Kurtlar Vadisi" serialında Cevat Akarsu obrazı ilə tanınan türk aktyor Şekip Taşpınar dünyasını dəyişib.
Qaynarinfo xəbər verir ki, bu barədə aktyorun meneceri Temmuz Karıkutal açıqlama verib:
"Bu səhər dəyərli aktyor Şekip Taşpınarı itirdiyimə görə çox üzüldüm. Onunla çox şey paylaşdıq. Mekanın cənnət olsun, qardaş!".
Qeyd edək ki, Şekip Taşpınar 2023-cü ildə uzun müddət spirt zəhərlənməsindən müalicə almışdı. O, mayın 9-da sosial media hesabından sonuncu dəfə öz şəkilini paylaşmışdı.
Mehmet Şekip Taşpınar 10 fevral 1969-cu ildə Ankarada anadan olub. Hacettepe Universiteti Ankara Dövlət Konservatoriyasını bitirib. Teatra 1988-ci ildə Ankara Halk Oyuncuları Teatrında başlayıb. 1990-1994-cü illərdə Ankara Dövlət Konservatoriyasında təhsil alıb. 1995-1998-ci illərdə Ankara Dövlət Teatrında çalışıb. 1999-cu ildə Adana Dövlət Teatrına təyin olunub. 2000-2003-cü illərdə Çukurova Universiteti Dövlət Konservatoriyasında aktyorluq, diksiya və fonetikadan dərs deyib. 1988-ci ildən TRT və digər kanallarda səs aktyoru olub. 2009-cu ildə "Kurtlar Vadisi Pusu" serialında canlandırdığı Cevat Akarsu obrazı ilə tanınıb.
Aydın
