"Rusiyanın Xarici İşlər naziri Sergey Lavrovun Azərbaycana səfərləri zamanı ancaq ikinci dərəcəli mövzular müzakirə oluna bilər”.
Bunu Qaynarinfo-ya açıqlamasında sabiq xarici işlər naziri Tofiq Zülfüqarov deyib. Onun fikrincə, nazirin bu səfərində əsas mövzular müzakirə predmeti ola bilməz:
"Lavrovun Azərbaycana səfəri ilə bağlı indidən nəsə demək çətindir. Bəlkə hansısa ikitərəfli münasibətlərin müzakirəsi gözlənilir. Bəlkə də Qarabağda olan vəziyyət və ona bənzər mövzular da müzakurə olunacaq. Bu görüşdə əsas mövzuların müzakirəsini gözləmirəm. Çünki dövlət başçıları bir-biri ilə təmasdadırlar. Yəni, Qarabağla bağlı böyük məsələlər onların arasında müzakirə olunur”.
Xatırladaq ki, Rusiyanın Xarici İşlər naziri Sergey Lavrov mayın 5-6-da Ermənistanda, mayın 10 və 11-də isə Azərbaycanda səfərdə olacaq.
Bahar Rüstəmli
<iframe width="640" height="360" src="//player.qaynarinfo.az/?v=650" frameborder="0" allow="autoplay; encrypted-media" allowfullscreen="" seamless="">
