Rusiya xarici işlər naziri Sergey Lavrov ABŞ prezidenti Co Baydenin digər ölkələrin işlərinə müdaxilə etməyin vaxtı çatdığını söyləməsinin Moskvada müsbət qarşılandığını qeyd edib.
Qaynarinfo-nun məlumatına görə, onun sözlərinə görə, Rusiya Federasiyası uzun müddətdir ki, qərbli həmkarlarının son onilliklərdə qarışdıqları " macəralardan dərslər almağa" çağırır.
Lavrov bu məqamın çatdığını Bayden və fransız həmkarı Emmanuel Makron tərəfindən qeyd edildiyini əlavə edib. Hər ikisi də bir və ya iki günlük arayla "Qərb tipli demokratiya tətbiq etmək üçün" digər ölkələrin daxili işlərinə müdaxiləni "bitirməyin" vaxtı çatdığını elan etdilər.
Lavrov əlavə olaraq Qərb liderlərinin bəyanatlarının həqiqətən də "planetimizin gələcəkdə bir az daha sakit olacağı qənaətini" əks etdirəcəyinə ümid etdiyini bildirib.
ABŞ prezidenti Co Bayden Vaşinqtonun Əfqanıstandan çıxması ilə digər ölkələrin yenidən qurulmasına yönəlmiş böyük hərbi əməliyyatlar dövrünə son qoyduğunu bildirib. Birləşmiş Ştatlar indi Rusiya və Çini də əhatə edən yeni problemlərə diqqət yetirəcək.
Bundan əvvəl isə Fransa Prezidenti Emmanuel Makron da Əfqanıstanda vəziyyətin gərginləşməsinə münasibət bildirərkən deyib ki, bu ölkədə baş verənlər kənardan demokratik dəyərləri zorla gətirməyin mümkün olmadığını nümayiş etdirdi. Makron demokratiyanın aylarla və ya illərlə "silahlarla" yaradıla biləcəyi fikirlərinin təhlükələrini də vurğulayıb.
Alpər
