Belarus Azərbaycana silah satacaq...
“Belarusla Azərbaycan arasında heç bir qapalı məsələ yoxdur. Azərbaycana qarşıdakı səfərim çərçivəsində İlham Əliyevlə məsələlərin ən geniş spektrini müzakirə edəcəyik”. Musavat.com-un “Belta”ya istinadən verdiyi xəbərə görə, bunu Belarus prezidenti Aleksandr Lukaşenko bu gün MDB ölkələri KİV rəhbərləri ilə görüşündə deyib.
“Baxmayaraq ki, biz KTMT-dəyik, Azərbaycanla hərbi texniki sahədə də əməkdaşlıq edirik. Bakıda olanda biz hərbi-texniki əməkdaşlıqdan tutmuş energetika məsələlərinə kimi bütün istiqamətlər üzrə müzakirələr aparacağıq”, - deyə Belarus lideri əlavə edib.
Qeyd edək ki, Azərbaycanın hərbi texnika və silah-sursat aldığı ölkələrdən biri də Belarusdur. Bu ölkə Rusiya, Qazaxıstan, Ermənistan, Qırğızıstan və Tacikistanla birgə hərbi-siyasi qurum olan KTMT-nin üzvüdür. /musavat.com/
