Milli Məclisin deputatları hər zaman ictimaiyyətin maraq dairəsində olublar. Deputatların çıxışları, aktivlikləri, passivlikləri və digər xüsusiyyətləri zaman-zaman ictimai müzakirənin obyekti olub.
Ona görə də ictimai marağı nəzərə alaraq Bizim.Media Azərbaycan parlamentində ən uzun müddətdir mandat daşıyan 10 deputatın kimliyini araşdırıb.
Onların siyahısını təqdim edirik:
Eldar İbrahimov
Eldar İbrahimov müstəqil Azərbaycan parlamentinin ən uzunömürlü deputatlarından biridir. O, 1995-ci ildən qanunverici orqanda təmsil olunur. Sonucu çağırışda Eldar İbrahimov 4 saylı Naxçıvan şəhər seçki dairəsindən deputat seçilib.
Fəzail Ağamalı
Fəzail Ağamalı da 6 çağırışdır ki, Milli Məclisə üzv seçilir. 28 illik deputat stajına malik Fəzail Ağamalı sonuncu dəfə 60 saylı Salyan–Neftçala seçki dairəsindən deputat mandatı qazanıb.
Madər Musayev
Madər Musayev də ən uzunözmürlü 7 deputatdan biridir. O 1995-ci ildən bu yana özünün deputat mandatını toxunulmaz saxlayıb. Sonuncu çağırışda 10 saylı Binəqədi üçüncü seçki dairəsindən deputat seçilib.
Ziyafət Əsgərov
Ziyafət Əsgərov da 1995-ci ildən Milli Məclisdə təmsil olunur. O, sonuncu dəfə 76 saylı Lənkəran-Astara seçki dairəsindən seçkilərə qatılıb. O, parlamentin Müdafiə, təhlükəsizlik və korrupsiya ilə mübarizə komitəsinin sədridir.
İmamverdi İsmayılov
İmamverdi İsmayılov 6 çağırışın hamısında qanunverici orqana seçkilərdə qalib olub. 1995-ci ildən parlamentə əyləşən sonuncu çağırışda 125 saylı Zəngilan-Qubadlı seçki dairəsindən mandat qazanıb.
Vasif Talıbov
Vasif Talıbov da ən uzun müddətə deputat mandatı daşıyanlardan biridir. 1995-ci ildən parlamentdə təmsil olunan Vasif Talıbov sonuncu dəfə 1 saylı Şərur-Sədərək seçki dairəsindən seçkilərə qatılıb.
Mixail Zabelin
Mixail Zabelin də 1995-ci ildən parlamentdə əyləşir. 28 illik deputat stajına malik Mixail Zabelin 2020-ci il seçkilərinə 34 saylı Xətai ikinci seçki dairəsindən namizəd kimi qatılıb.
Bəxtiyar Əliyev
Bəxtiyar Əliyev 2000-ci ildən Milli Məclisin üzvüdür. O 5 çağırış üzrə seçkilərdə qalib olub. Sonucu dəfə 118 saylı Ağdam şəhər seçki dairəsindən mandat qazanıb.
Siyavuş Novruzov
Siyavuş Novruzov da 2000-ci ildən qanunverici orqanda təmsil olunur. 5 çağırış seşkilərə qatılan Siyavuş Novruzov sonuncu dəfə 5 saylı Şahbuz-Babək seçki dairəsindən deputat mandatı qazanəb.
Rafael Hüseynov
Rafael Hüseynov 2000-ci ildən bu günə kimi özünün mandatını qoruyub saxlaya bilib. Parlamentə seçildiyi sonuncu ünvansa 58 saylı Hacıqabul-Kürdəmir seçki dairəsi olub.
